Апошнія навіны медыцыны

Беларускі лекар Руслан Брынчук на сваёй старонцы ў Facebook напісаў матывавальны пост для тых, хто яшчэ не вакцынаваны. «Маё меркаванне: рабіць. Адназначна вакцынавацца. Я разумею – складана верыць тэлевізару, але тут не хлусяць. Складана выбраць вакцыну, не ўсё, што нам прапануюць, можа быць добрым», – заявіў лекар.

Тым жа, хто сумняваецца, ён даў адну параду: «Проста наведайце найбліжэйшыя могілкі. Пашпацыруйце. Ацаніце колькасць свежых магілаў за мінулы год. І задайце сабе пытанне: ці гатовыя легчы побач? Ці гатовыя зламаць свае тупыя стэрэатыпы і жыць далей? У мяне ўсё»...

Існыя вакцыны супраць каранавіруса эфектыўныя для большасці людзей з аўтаімуннымі захворваннямі. Да апошніх належаць цяжка вылечныя парушэнні імуннай сістэмы, пры якіх яна здаровыя клеткі арганізма распазнае як патэнцыйна небяспечныя і атакуе іх.

Да такой высновы прыйшлі нідэрландскія навукоўцы, якія правялі буйное нацыянальнае даследаванне супольна з Медыцынскім цэнтрам універсітэта Амстэрдама (UMC) і сеткай банкаў крыві Sanquin. Пра гэта паведамляе Volkskrant. Падчас навуковага экспэрыменту даследчыкі вывучылі эфектыўнасць прэпаратаў, якімі робяць прышчэпкі супраць COVID-19, для людзей з саслабленай імуннай сістэмай...

Экспэрты з Асацыяцыі дыетолагаў Украіны высветлілі, што кішачныя бактэрыі могуць дапамагчы вылечыцца ад каранавіруса, піша cursorinfo.co.il.

Так, навукоўцы правялі праверку дамінантных відаў бактэрый, якія засяляюць чалавечы кішэчнік на прадмет таго, наколькі яны будуць актыўныя супраць каранавіруса. Выявілася, што біфідабактэрыі выдатна падаўляюць не толькі сімптомы раздражнёнага кішэчніка, але і ў нейкай ступені COVID-19.

Навукоўцы заявілі, што гэтая знаходка дапаможа стварыць эфектыўны штучна створаны прабіётык, які зможа забяспечыць выдатную прафілактыку COVID-19, а таксама зрабіць больш бяспечным метад барацьбы з гэтай хваробай...

Аматары кавы на 21% радзей паміраюць ад інсульту, на 17% ад сэрцава-судзiнных захворванняў і на 12% ад усякіх іншых прычын, высветлілі даследнікі Еўрапейскага таварыства кардыёлагаў, піша «Евро пульс».

Цягам дзясяці гадоў навукоўцы аналізавалі звесткі 468 629 удзельнікаў эксперыменту. На момант пачатку даследавання ніхто з удзельнікаў не меў прыкмет сэрцава-судзiнных захворванняў, а іх сярэдні ўзрост складаў 56 гадоў. Удзельнікі былі падзеленыя на тры групы ў адпаведнасці з іх звычайным спажываннем кавы: першая група не ўжывала кавы зусім, другая ўжывала напой сярэдне (ад паловы да трох кубкаў на дзень), а трэцяя група выпівала больш за тры кубкі на дзень...

1 Менавіта ў вінах з Піна Нуар знаходзяць найбольш высокае ўтрыманне рэсвератрола, якому чырвоныя віны абавязаны сваёй карысцю. Між іншым, згодна з даследаваннямі клінікі Маё, «рэсвератрол можа дапамагчы прадухіліць пашкоджанне крывяносных сасудаў, знізіць узровень халестэрыну ліпапратэінаў нізкай шчыльнасці (ЛПНП, або «дрэнны» халестэрын) і прадухіліць утварэнне тромбаў».

Рэсвератрол - гэта фунгіцыд прыроднага паходжання, які змяшчаецца ў лупіне вінаграду і абараняе вінаград ад цвілі. У гатунках вінаграду з тонкай скуркай, такіх як Піна Нуар, больш высокі ўзровень ресвератролу, бо яны больш уразлівыя да пашкоджання цвіллю. Джым Бернаў, прэзідэнт Willamette Valley Vineyards, паведаміў Forbes, што «каб максімальна павялічыць узровень рэсвератролу ў віне, неабходна звесці да мінімуму кантакт віна з кіслародам»...